No Entroido deste ano o Meco fixo as súas propostas para cada día da semana quentando motores para rematar coa gran comparsa de convivencia do centro. 

Este ano a temática foi O FONDO MARIÑO E O SEU COIDADO  e case tódolos nenos e nenas, así coma algunhas familias, participaron nesta xornada tan divertida. 

Ao longo da semana elaboráronse os disfraces e todos e todas lucíronos no pasarrúas que se fixo dende o noso Colexio ata o Centro Comercial Vialia.

Ademais non faltaron actividades e xogos propios desta data e unha gran festa con filloas, orellas, e outros doces típicos  

Toda a comunidade educativa amosou gran  imaxinación e creatividade á hora de elaborar os traxes dos alumnos e alumnas. Podedes comprobalo na galería de imaxes e nos blogs de aula.